Бишімбаев ісі: Мейрамхана басшысы екі айға қамалды

Бишімбаевтың қылмысын жасырды деген күдікпен ұсталған «Гастро-Орталықтың» директоры 2 айға қамалды. Бұл туралы Астана қаласының полиция департаменті хабарлады. 

Мейрамхана басшысының қылмысы дәлелденсе, 6 жылға дейін бас бостандығынан айырылуы мүмкін. Бейнебақылау камераларынан жойылған видео қалпына келтірілді. Қазір полиция мән-жайды анықтап жатыр. 

Еске салайық, қайғылы оқиға 9 қарашада болған. Астанадағы мейрамханалардың бірінде бұрынғы Ұлттық экономика министрі Қуандық Бишімбаев әйелін ұрып өлтірді деген күдікпен ұсталды. Қазір қылмыс болған ғимараттың бірінші қабатындағы қоғамдық орын жұмыс істеп тұр. Тек екінші қабатындағы мейрамхана жабық.

Айя Мүтәлі