Жаңалықтарды Telegram арнамыздан оқыңыз!Мемлекет басшысы Сауд Арабиясы Короліне құттықтау жеделхатын жолдады. Қазақстан халқы және жеке өз атынан Қос киенің сақшысы, Салман бен Әбделазиз Әл Саудты Сауд Арабиясының Ұлттық күнімен құттықтады. Бүгінде еліңіз – саяси тұрғыда іргесі берік, экономикасы тұрақты, Таяу Шығыстағы үлгі тұтар мемлекет, халықаралық қауымдастықтың беделді мүшесі. Алдағы уақытта Корольдіктің дамуы баянды, мерейі үстем болуына тілектеспін, – деп жазылған жеделхатта. Мемлекет басшысы Сауд Арабиясы Қазақстанның Шығанақтағы сенімді серіктесі екенін атап өтті. Екі ел арасында достық пен жоғары деңгейдегі саяси диалогқа негізделген қарым-қатынастар нығая береріне сенім білдірді.
Асима Нұрбайқызы
