Жаңа заң: Жүздеген самокатшыға айыппұл салынды

Электросамокат тізгіндейтіндерге қатысты заң күшіне енгеннен кейін жүздеген самокатшыға айыппұл салынды. Жол ережесін бұзғандардың дені – астаналықтар. Мұнда 30 тамыздан бастап, яғни 1 апта ішінде 156 адам жауапқа тартылған. Одан кейін Шымкент қаласындағы 98 самокатшыға айыппұл салынған. Тағы бір мегополис Алматыда заңбұзушылық аз. Мұнда 23 адам жауапқа тартылған. Салынған айыппұл мөлшері 10 мыңнан 18 мың теңгеге дейін.