Шығыс Қазақстан облысындағы жағажайларда құтқарушылар жетіспейді

Шығыс Қазақстан облысындағы жағажайларда құтқарушылар жетіспейді. Тіпті өңірдегі ең үлкен су айдыны Бұқтырманың бойындағы демалыс нысандарында арнайы құтқару қызметі жоқ. Бір ғана Самар ауданына қарасты бөлігінде соңғы екі-үш жылда жүздеген демалыс орны бой көтерді. Негізі талап бойынша демалыс орындарының иелері арнайы құтқару бекетін ашуға міндетті. Алайда бұл талапты қазір бірде-бір кәсіпкер орындап отырған жоқ. Есесіне жазда жағажайда ине шаншар орын болмайды. Биыл маусым айынан бері облыста 6 адам суға батып қайтыс болған.

Әсет Сейілқұмаров, Самар аудандық ТЖ бөлімінің бастығы:

Біздің құтқару бекетінде үш-ақ адам бар, 2 700 нысанға қарайды. Сонымен қатар Сарыбел, Новостройка ауылдары бар, бәріне үлгермейді.

Олжас Керейхан