Биыл Астанада 3 мыңға жуық қоғамдық тамақтану орны ашылған

Елордада мейрамхана бизнесі ширап келеді. Биыл жыл басынан жаңа 3 мыңдай қоғамдық тамақтану орны ашылған. Бұған бас қалаға келетін қонақтар санының артуы да ықпал етіп отыр. Айта кетейік, пандемия кезінде аталған сала біраз тұралап қалған болатын. Ал соңғы жылдары дәмханалар айтарлықтай көбейіп, осы саланы дөңгелетіп жүрген кәсіпкерлер саны 70 мыңнан асты.

Вероника Нұрпейісова, ҚР Қоғамдық тамақтану қауымдастығының төрағасы:

Фаст-фуд пен кофеханалар өте жақсы дамып келеді. Дәмханаларда баға қолжетімді. Тағы бір айта кетерлдігі, маңызды кездесулер, жиындар кофеханалар мен кафитерийлерде өтеді. Өйткені бұл жерлерде интернетке қосылу ыңғайлы. Вай-фай желісі бар. Барлық жағдай жасалған.

Дарын Сағитов