Риддер тұрғындары 292 млн теңге жылу ақысын артық төлеген

Шығыс Қазақстан облысы Риддер қаласының тұрғындарына жылу ақысын артық төлегені үшін 160 млн теңге қайтарылды. Табиғи монополияларды реттеу комитетінің облыстағы департаменті 2022-2023 жылғы жылыту маусымындағы қызмет құнын қайта есептеді. Нәтижесінде «Риддер жылыту электр» орталығына халық 292 млн теңгені артық төлеткені анықталған. Бүгінге дейін Риддер қаласының тұрғындарына 160 млн теңге қайтарылды. Қалған 132 миллион теңге 2023 жылдың соңына дейін өтеледі. Бүгінде ЖЭО-да жөндеу жұмыстары жүргізіліп жатыр. Сондықтан бүкіл қала бойынша мамыр айынан бері ыстық су өшірілген. Ол үшін халық осы жазда ақша төлеген жоқ.

Олжас Керейхан