Жаңалықтарды Telegram арнамыздан оқыңыз!Маңғыстау облысында жаңа электр желісі салынып, Батыс энергетикалық жүйесі Қазақстанның бірыңғай энергожүйесімен бірігеді. Бұл туралы Үкімет жиынында айтылды. Премьер министрдің төрағалығымен өткен кеңесте өңірдің энергетикалық қауіпсіздігі талқыланды. Атом Энергетикалық комбинатындағы апаттан кейін облыста қуат тапшылығы мәселесі туындағаны белгілі. Аудандарға жарық кезекпен беріліп жатыр. Болашақта мұндай проблема болмауы үшін бірқатар шара қолға алынбақ. Мәселен, өңірде жұмыс істеп тұрған жылу-электр стансаларында жаңғырту жұмыстары жүргізіледі. Энергетика саласындағы 2027-2028 жылдарға жоспарланған ауқымды жұмыстар 2024-26 жылдары жүзеге асады.
Шерхан Жамбылұлы
