Мемлекеттік қызметкерлерге ойынханаға кіруге тыйым салынуы мүмкін

Шенеуніктер мен күштік құрылым қызметкерлеріне казиноға кіруге тыйым салынбақ. Бұл туралы «Президенттің кей жарлықтарына өзгеріс пен толықтырулар енгізу туралы» Жарлық жобасында жазылған. Құжатқа сай мемлекеттік қызметшілер, әскерилер мен полицейлер ойынханаға бара алмайды. Тек қызмет бабымен кіруге рұқсат. Жарлық жобасында «түзетулер мемлекеттік органдардың қадір-қасиеті мен беделіне нұқсан келтіретін әрекеттерге жол бермеуге бағытталған» деп жазылған.

Досжан Маратұлы