Ақмола облысындағы жер үйлерге дабыл қондырғылары орнатылды

Өткен жылу маусымында Ақмола облысында 336 өрт тіркеліп, 14 адам қайтыс болды. 7 азамат түрлі жарақат алған. Мамандар оқыс оқиға көбіне жер үйлердегі пештердің талапқа сай келмеуінен дейді. Сондықтан төтенше жағдайлар басқармасы әлеуметтік аз қамтылған отбасыларға көмірқышқыл газын анықтайтын дабыл құрылғысын орнатуды бастады. Дабыл қаққыш оқыс оқиғаның алдын алады. Сондай-ақ, мамандар тұрғындарға мұржаларды тазалау бойынша көмек көрсетіп жатыр.

Думан Дәлешов, Облыстық төтенше жағдайлар департаментінің басқарма бастығы:

Бүгінгі күні бізде осы осал топтарға жататын 6 мыңнан астам үй тізімге алынды. Олармен профилактикалық жұмыстар жүргізіліп жатыр. Бұл жұмыстар бізде 2017 жылдан бастап жүргізіліп жатыр. Бүгінгі күні біз әлеуметтік осал топтарға 8 мыңнан астам өрт анықтау датчиктарын орнаттық.

Ұмсындық Наурызбаева