Алматыдағы «Ақкент» ықшам ауданында болған өрт кезінде адам өмірін сақтап қалуға көмектескен азаматтар марапатталды

Мемлекет басшысының Жарлығымен Алматыдағы «Ақкент» ықшам ауданында болған өрт кезінде адам өмірін сақтап қалуға көмектескен азаматтар марапатталды. Қиын-қыстау жағдайда көрсеткен ержүректігі мен жанқиярлығы үшін Тілеужан Ахметханов, Шюкрю Гюнай, Эльдар Исмаилов, Халил Йерделен, Кенан Мамедов және Вадим Романовтар «Ерлігі үшін» төсбелгісін иеленді. Еске салайық, 10 күн бұрын Алматыда 16 қабатты үйден өрт шыққан еді. Қою қара түтінге тұншыққан тұрғындар терезеден секіруге мәжбүр болған. Салдарынан бір адам көз жұмды. Сол кезде аталған азаматтар тұрғындарға көмек қолын созды.