Биыл Атырау облысындағы балалар лагерінде 1500-ге жуық оқушы демалады

Биыл Атырау облысындағы балалар лагерінде 1500-ге жуық оқушы демалады. Қазір лагерьлер оқушылардың соңғы легін қабылдауға қызу дайындалып жатыр. Мұнда балалардың жазғы демалысын қызықты өткізу үшін барлық жағдай жасалған. Балдырғандардың әр күні таңғы жаттығудан басталып, тәлімгерлердің түрлі ойындары мен үйірмелеріне жалғасады. Демалыс маусымы аяқталған соң лагерьде күрделі жөндеу жұмыстары жоспарланып отыр. Амфитеатрды жөндеуге, алаңды қоршау жұмыстарына облыстық білім басқармасына бюджеттік өтінім берілген. Қазіргі уақытта 16 млн теңгеге жарықтандыру жұмыстары жүргізілуде.

Шәрбану Сабырова, Индер аудандық білім бөлімінің бас маманы:

Бүгінгі күні 1-5 кезең аралығында 883 бала қамтылып отыр. Алдағы уақытта лагерьге жылу жүйесін жүргізіп, 12 ай бойы жұмыс істейтіндей мүмкіндік жасау көзделіп отыр.

Инабат Қабдығали, демалушы:

Лагерь ұнап жатыр. Жаңа достар таптым. Жаңа ортаға үйренісіп, түрлі өнерімізді салудамыз. Лагерьдегі тәрбиешілер де жақсы.

Жандос Темірғали