Елімізде балаларға арналған мекемелер тексеріледі

Түрмеде жазасын өтеп шыққан азаматтарды қайта әлеуметтендіру бойынша деректер қоры құрылады. Бұл Түркістан облысындағы сәби өліміне соқтырған қайғылы жағдайдан кейін қолға алынып отыр. Үкімет басшысының орынбасары, еңбек және халықты әлеуметтік қорғау министрі Тамара Дүйсенова Бала құқығы жөнінде кеңес өткізді. Ішкі істер министрлігі мен жергілікті әкімдіктерге тиісті тапсырма берілді.

Бұдан бөлек, елімізде балаларға арналған бүкіл мемлекеттік мекемелер тексеріледі. Мұны орындау міндеті бірнеше министрлікке жүктеледі. Сондай-ақ вице-премьер әлеуметтік жағдайы нашар отбасыларды ерте анықтау бойынша мобилді топтардың жұмысын пысықтауды тапсырды.

Айя Мүтәлі