Павлодардағы сауда үйінің опырылған шатыры бекітілмегені анықталды

Павлодарда қатты желдің кесірінен жарықсыз қалған аудандарға электр энергиясы берілді. Ал құлаған шатырдың астында қалған екі адамның денсаулығы қазір қалыпты. Естеріңізге сала кетейін, Павлодарда нөсер жауып, қатты жел сауда үйінің шатырын ұшырып әкетті. Екі адам зардап шегіп, 13 көлік бүлінді. Үйінді астында қалған адамның бірі бас-ми жарақатын алған. Жансақтау бөлімінде жатыр. Екіншісінің аяғы сынған. Белгілі болғандай , бұған дейін сауда үйінің төбесін құрылысшылар жөндеп жатқан. Олар шатырды бекітіп үлгермеген болып шықты.