Жаңалықтарды Telegram арнамыздан оқыңыз!Мемлекет басшысы «Самұрық-Қазына» басқарма төрағасы Нұрлан Жақыповты қабылдады. Онда акционерлік қоғамды одан әрі дамыту қарастырылып, активтерінің құнын көтеру туралы мәлімет берілді. Атап айтқанда, корпоративтік басқару есебінен портфельді компаниялардың тиімділігін арттыру, шағын және орта бизнесті қолдау және сатып алулардың ашықтығы есебінен импортты алмастыру, сондай-ақ шетелдік серіктестермен бірлесіп инвестиция құю мәселелері қаралды. Кездесу соңында Қасым-Жомарт Тоқаев инвестициялық жобаларды уақытылы іске асыруға, Қордың құрамындағы компаниялар тобы қызметінің тиімділігін жетілдіруге қатысты тапсырмалар берді.
Асима Нұрбайқызы
