Қазақстандықтар несие алудан ерікті түрде бас тарта алады

Қазақстандықтардың несие алудан ерікті түрде бас тартуына болады. Яғни кез келген адам өз атынан несие алуға тыйым сала алады. Бұл электронды үкімет порталы арқылы жүзеге аспақ. Қаржы нарығын реттеу және дамыту агенттігінің мәліметінше егер азамат несие алудан ерікті түрде бас тартса банктер мен микроқаржы ұйымдары оның атына несие рәсімдей алмайды. Бұл функция алаяқтардан қорғау үшін таптырмас құрал. Жеке тұлғаның несие алуына тыйым салынған жағдайда алаяқтар арқылы рәсімделген қарызды төлемеуге болады. Бұл сервис ЕGov веб-порталында және eGov Mobile мобильді қосымшасында қол жетімді.

Оңғар Алпысбайұлы