Елдегі кәсіпкерлер салықтан жалтарған

Қосылған құн салығының мөлшері шегінен асып кеткен кәсіпкерлер айыппұлды кешіруді талап етіп жатыр. Ал салық органдары бизнес өкілдерінің шынайы табысты көрсетпей жасырғанын айтады. Қазір камералдық қызмет тексеріс жүргізіп, 3 мыңдай кәсіпкердің заң бұзғанын анықтады. Олар енді қазынаға түспеген салықтың орнын толтырып, оның үстіне 15 пайыз айыппұл арқалайды.

Арман Тян, ҚР Қаржы министрлігі мемлекеттік кірістер комитетінің департамент директоры:

Салығын уақытылы, дұрыс төлеп отырған кәсіпкерлер көп. Егер біз заң талаптарын сақтамағандарды кешіре берсек ешкім заңға бағынбайды ғой. Өйкені ертең мемлекет бәрібір кешіреді деп ойлайды. Сондықтан амнистия беру дұрыс емес деп санаймыз.

Серік Селеубай