Ақтөбелік жастар ойын алаңын қалыпқа келтірді

Ақтөбелік оқытушылар мен студенттер балалардың ойын алаңын қалыпқа келтірді. Жоғары политехникалық колледждің ұжымы бұл жолы Сазды өзенінің жағалауындағы саябаққа барып, әткеншектер мен турниктердің және қоршаулардың сынған жерлерін дәнекерледі. Белсенділер бұған дейін шаһардағы өзге де ойын және жаттығу алаңдарын тегін жөндеп берген еді. Сондай-ақ аумақты күл-қоқыстан тазартып, «Таза Қазақстан» акциясына қомақты үлес қосып келеді. Облыс орталығында соңғы бір жылда 15 нысан қалпына келтірілген. Биыл тағы 26-сын жаңарту жоспарланып отыр.

Электр мамандарын, электр монтаждау, механик, оның ішінде слесарлеріміз бар, сондай мамандықтардағы мықты мамандар. Сонымен қатар сол мамандықты игеріп жатқан біздің шәкірттер, студенттеріміз бар. Оларға да бір жағынан үлгі болсын, осындай бір қоғамдық мүлік дейміз ғой, қоғамдық мүлікке жауапкершілікпен қарау әрбір азаматтың міндеті.