Есірткі өндірген ағайынды Арыста ұсталды

Түркістан облысы, Арыс қаласында ағайынды екі жігіт синтетикалық есірткі өндірісін ұйымдастырған. Олардың жасырын қылмысы «Заң мен тәртіп» акциясы аясында Ішкі істер министрлігі жүргізген арнайы іс-шара кезінде анықталды. Жасырын есірткі зертханасын ашқандар қаланың шетінде орналасқан жеке тұрғын үйін пайдаланған. Сөйтіп синтетикалық есірткіні ірі көлемде заңсыз өндіріп келген. Тінту кезінде зертханадан реактор, колбалар, магниттік араластырғыш, канистрлер, пластикалық науалар мен есірткі өндіру белгілері бар өзге де құрал-жабдықтар тәркіленді. Қазір екуі де ұсталып, уақытша ұстау изоляторына қамалды.

Оқиға орнынан тінту кезінде жарты тоннаға жуық сұйық мефедрон, 1,5 тонна прекурсорға сараптама тағайындалды. Күдіктілерге қатысты Қылмыстық кодекстің 297-бабы бойынша сотқа дейінгі тергеп-тексеру басталды.