Чили парламенті тау-кен саласындағы көптен күткен салық реформасын мақұлдады

Чили парламенті тау-кен саласындағы көптен күткен салық реформасын мақұлдады. Құжат заңға айналуы үшін енді оған президент қол қоюы тиіс. Аталған реформа бұл мемлекетте жұмыс істейтін ірі мыс және литий өндірушілерінен үкіметке түсетін салықты көбейтуге жол ашады. Оның деңгейі 47 пайызға дейін өспек. Бұған қоса заңбұзушылықтарды жоюға мүмкіндік береді. «Бұл заңнама елдің табиғи байлықтарын ұлт болашағын есепке алмай оңды-солды пайдалануды тоқтатуға бағытталған», - дейді елдің Қаржы министрлігі.  

Арай Төлегенқызы