Жаңалықтарды Telegram арнамыздан оқыңыз!Ақпарат және қоғамдық даму министрлігі мен БАӘ Төлеранттылық және қатар өмір сүру министрлігі меморандумға қол қойды. Абу-Дабиде өтіп жатқан 12-ші инвестициялық жиынға Ақпарат және қоғамдық даму министрі Дархан Қыдырәлі қатысып жатыр. Адами бауырластық, татулық пен толерантты қатынас - елдің ең басты құндылығы. Осылай деген министр Әмірліктерді көп этносты мәдениетаралық және дінаралық орталық ретінде әлемге паш еткен «толеранттылық жылы» моделі Қазақстанның ұстанымымен үндес екенін айтты.
Дархан Қыдырәлі, ҚР Ақпарат және қоғамдық даму министрі:
Біріккен Араб Әмірліктері мен Қазақстанның толеранттылық туралы түсініктері сәйкес келеді. Елімізде жетінші мәрте діндер съезінің өткізілуі, жалпы тәуелсіздік алғалы бері түрлі этностардың бейбіт өмір сүріп жатуы, жақында ғана Президенттің Қазақстан халқы Ассемблеясында берген тапсырмаларының барлығы да осы форумда айтылған сөздермен сөйкес келеді.
Асылбек Данияр
