Визасыз тәртіп: Логистика жұмысы жеңілдейді

Қытаймен арада визасыз тәртіп енгізілсе, бұл ең алдымен отандық жүк тасымалдаушылар үшін қолайлы болмақ. «Атамекен» кәсіпкерлер палатасының өкілі осылай деді. Нәтижесінде, шекарадан өту жеңілдеп, екі ел арасындағы сауда-саттықты дамытады. Қазір қазақстандық жүк тасымалдаушыларға берілетін қытайлық визалардың саны аса көп емес. Егер жаңа тәртіп енгізілсе, бұл отандық бизнеске, оның ішінде көлік қауымдастығына үлкен қолдау болады.

Мұрат Әмрин, «Атамекен» ҰКП басқарма төрағасының орынбасары:

Қазір нарықта көлікті шекарадан өткізіп береміз деп, қызметі үшін 300-400 мың теңге талап ететіндер де бар. Бірақ олар өздеріне жүктелген жауапкершілікті сезінбейді. Көлік жолда қалса, тауарға жауап бермейді. Қарапайым жүргізуші қажетті құжаттарды дер кезінде рәсімдей алмай қалатын да жағдайлар бар. Сондықтан, визасыз тәртіп енгізілсе, әуелі логистика жұмысы жеңілдейді. Жүк тасымалдаудың құны арзандайды. Қазақстан мен Қытай арсындағы тауар айналым ұлғаяды.

Дарын Сағитов