Астанада ТҮРКСОЙ ұйымының 30 жылдығына орай халықаралық дөңгелек үстел өтті

Астанада ТҮРКСОЙ ұйымының 30 жылдығына орай, халықаралық дөңгелек үстел өтті. Бұл күні Түркі әлемінің мәдениеті мен әдебиетіне, елеулі үлес қосқан тұлғалардың есімі ұлықталды. Қонақтар түркі өркениетінің тарихы, ТҮРКСОЙ-дың түркі халықтарының бірлігіндегі рөлі жайлы сөз қозғады. Халықаралық ұйымның бас хатшысы Сұлтан Раевтің айтуынша, алдағы уақытта «Қымыз-фест» фестивалі ұйымдастырылады. Жалпы 1993 жылы қазақ жерінде негізі қаланған ұйымның бас штабы, қазір Түркияның Анкара қаласында орналасқан. Ал бірлестіктің өзі түркі мемлекеттер арасындағы мәдени-рухани көпірге айналып отыр.

Айта кетсек, 2023 жыл түркі әлемінде Темірбек Жүргенов жылы болып жарияланды.

Сұлтан Раев, Халықаралық «ТҮРКСОЙ» ұйымының бас хатшысы:

Біз отыз жылда біз БҰҰ Альянсына мүше болып қабылдандық. Бұл үлкен жетістік деп ойлаймын. Жыл сайын 200-ге жуық мәдени бағдарлама бар. Негізгі мақсатымыз – Түрік дүниесінің мәденитін дүниелік мәдениетке қатар таныстыру.