Түркия азаматтары дауыс беріп жатыр

Бүгін әлемнің әр түкпірінде тұратын 3,4 миллиондай Түркия азаматы жалпыұлттық сайлауда дауыс беруге шақырылды. «Ассоушиэйтед пресс» агенттігінің хабарлауынша, олардың 400 мыңы Францияда, 1 жарым миллионы Германияда таңдау жасайды. Саяси шара 9 мамырға дейін жалғасады. Ал Түркияның өзінде президенттік және парламенттік сайлау мамырдың 14-і күні белгіленген. Егер ешбір кандидат жеңіске жете алмаса, президенттік сайлаудың екінші туры мамырдың 28-де өтуі керек.

Арыстан Рысбек