Жер бетінде екі миллиард адам таза суға зәру

Жер бетінде екі миллиард адам таза суға зәру. Ал сегіз жүз мың адам лас су ішуге мәжбүр. Бұл мәліметтер БҰҰ-да елу жылдан соң алғаш рет өткен халықаралық конференцияда айтылды. Су ресурстарын дұрыс пайдаланбау, қоршаған ортаға немқұрайлы қарау орны толмас орасан зор экологиялық апатқа әкеліп жатыр. Дағдарысты еңсеру жолдарын мамандар үш күннен бері талқылап жатыр. Жер шары үшін маңызды шарада еліміздің экология министрі де баяндама жасап, Арал тағдыры туралы ақпаратымен бөлісті. Зульфия Сүлейменова қазіргі қорды дұрыс басқарып, мемлекеттер өзара ынтымақтасып әрекет еткені абзал дейді. Әйтпесе өзен-көлдер Арал тағдырын қайталауы ықтимал.