Иранда 22 мың адамға рақымшылық жасалды

Иранда жақында өткен шерулер кезінде қамалған 22 мың адамға рақымшылық жасалды. Мұндай шешімді Ислам Республикасының жетекшісі аятолла Әли Хаменеи қабылдаған. Елдің сот өкілдерінің мәлімдеуінше, ақпаннан бері елде барлығы 82 мың адам кешіріліп, түрмеден босатылған. Айта кетсек, Иранда жаппай наразылық шеруі қыркүйектің ортасында Махса Амини есімді қыз полиция бөлімшесінде қаза тапқаннан кейін басталды. Әдет полициясы марқұмды орамалды дұрыс тақпады деген айыппен ұстаған. Бұған қарсы шерулер әлемнің бірқатар елінде өтті.

Арай Төлегенқызы