Түркиядағы зілзаладан кейін 269 адам қамауға алынды

Түркияда ақпанда болған жойқын зілзаладан кейін қамауға алынғандар саны 269-ға жетті. Олар дүмпуден құлаған ғимараттардың құрылысына қатысы бар деп танылды. Тағы 200-ден астам адамды тұтқындау туралы ордер берілген. Осы іске қатысты тергеу жұмыстары жалғасып жатыр. Жалпы бас прокуратура 1068 тұлғаның сапасыз құрылысқа қатысы барын анықтаған. Соңғы деректерге сай, Түркияның оңтүстігінде ақпанның 6-да болған екі қуатты жер сілкінісінен қаза тапқандар саны 46 мыңнан асты.

Арай Төлегенқызы