Ұлыбританияда 2010 жылдан бері болмаған аяз тіркелді

Ұлыбританияда қалың қар жауып, қауіптің "сары" деңгейі жарияланды. Оның үстіне аяз күшейіп, ауа температурасы минус 15 градусқа дейін төмендеді. Ал қардың қалыңдығы шамамен 40 сантиметрге жеткен. Осының салдарынан пойыз, ұшақ, автокөлік қатынастары қиындаған. Айта кетейік, бұл елде наурыз айында мұндай суық соңғы 13 жылда болмаған. Британияның ауа-райы бюросы, аяз адам өмірі мен денсаулығына қауіп төндіруі мүмкін екенін ескертті.

Арай Төлегенқызы