Жаңалықтарды Telegram арнамыздан оқыңыз!Жемқор шенеуніктерден тәркіленген 120 млрд теңге арнайы есепшотқа түсті. Бұл туралы Қаржы министрі Ерұлан Жамаубаев Сенат отырысынан кейін мәлімдеді. Оның айтуынша, қомақты қаражат білім ордаларын салу мен оларды жөндеуге жұмсалады. Ең алдымен үш ауысымда білім беретін және апатты жағдайдағы мектептер мәселесін шешу жайы назарда. Қаржы министрлігі қазір барлық аймақтан өтініш қабылдап жатыр.
Ерұлан Жамаубаев, Қаржы министрі:
Тиісті тізім жасалғаннан кейін, оны республикалық бюджет комиссиясында талқылаймыз. Осы іс-шаралардан соң, қаражатты өңірлерге бағыттаймыз.
