Түркия мен Сирияда зілзала құрбандарының саны 46 мыңнан асты

Зілзаладан бері тура екі апта өтті. Түркияның Кахраманмараш пен Хатай провинцияларында іздеу-құтқару жұмыстары жалғасып жатыр. Қалған аймақтарда тоқтатылған. Өйткені, үйінділер астынан тірі қалғандарды табу үміті азайды.

Соңғы мәліметтерге сай, Түркия мен Сирияда зілзала құрбандарының саны 46 мыңнан асқан. Көз жұмғандар бұдан да көп болуы мүмкін. 385 мыңдай пәтер толықтай қирап, талай адам жоғалып кеткен. Ал Вашингтон Анкараға 100 млн доллар көлемінде гуманитарлық көмек бермек. Мұны АҚШ-тың мемлекеттік хатшысы Энтони Блинкен Түркияға сапарында мәлімдеді.

Арай Төлегенқызы