Жаңалықтарды Telegram арнамыздан оқыңыз!Жапония БҰҰ Қауіпсіздік Кеңесінің шұғыл отырысын өткізуді сұрады. Бұған Солтүстік Кореяның алыс қашықтыққа арналған зымыранды сынауы түрткі болған. Жапон үкіметінің басшысы Фумио Кисида «бұл әрекет елдің бейбітшілігі мен қауіпсіздігіне, аймаққа, халықаралық қауымдастыққа қауіп төндіріп тұр» деп мәлімдеді.
Бүгін Пхеньян екі баллистикалық зымыран ұшырды. Осыдан кейін, мемлекет лидері Ким Чен Ынның қарындасы АҚШ-қа ескерту жасап, өңірде әскери жаттығу өткізуге қарсылық білдірді. Бұған қоса, Солтүстік Корея Тынық мұхит аймағын «сынақ алаңына» айналдыра алатынын да ескертті. Ал сенбіде Пхеньян ұзақ қашықтыққа арналған баллистикалық зымыран ұшырды. Ол ракета Жапонияның экономикалық аймағына кіретін суға құлаған.
Арай Төлегенқызы
