Ердоған: Құтқару жұмыстары ғимарат астынан соңғы азаматты шығарғанша жалғасады

Түркияда құтқару жұмыстары құлаған ғимарат астында қалған соңғы азаматты шығарғанға дейін жалғасады. Бұл туралы елдің Президенті Режеп Тайып Ердоған мәлімдеді. Оның сөзінше, 2 миллион 200 мыңдай адам зілзаладан зардап шеккен аймақтарды тастап кеткен. 105 мыңнан аса адам жараланды. 1 миллиондай тұрғын үйсіз қалған. Соңғы деректерге сай, Түркия мен көршілес Сирияда қаза тапқандардың саны 41 мыңнан асты. «Рейтер» агенттігінің мәліметінше, екі елде ондаған миллион тұрғын гуманитарлық көмекке зәру.

Арай Төлегенқызы