Жаңалықтарды Telegram арнамыздан оқыңыз!Түркия мен Сирияда зілзала құрбандарының саны 15 мыңнан асты. Жер сілкінісінен кейін үш тәулік өтсе де, үйінді астында аман қалған адамдар табылып жатыр. Хатайда 68 сағаттан кейін бір отбасының төрт мүшесі аман-есен құтқарылды.
Соңғы мәліметтерге сай, Түркияда қаза тапқандардың саны 12 мыңнан асқан. 63 мыңға жуық адам жараланды. Іздеу-құтқару операциялары әлі де жалғасып жатыр. Дегенмен халық кей аудандарда жұмыстар баяу жүріп жатқанын сынға алды. Олардың сөзінше, қажетті көмек келмей жатыр. Ең ауыр зардап шеккен аймақтардың бірі - Хатайға сапары кезінде президент Ердоған мұндай апатқа алдын ала дайын болу мүмкін емес деп мәлімдеді.
Режеп Тайып Ердоған, Түркия президенті:
Зілзаладан аман қалғандардың үйлерін бір жылдың ішінде салып береміз. Мен қажетті нұсқау бердім. Қазір Хатайда барлығы 21 мың 200 әскери, жандармерия және полиция қызметкері жұмыс істеп жатыр. Осыған қарамастан кейбіреулер мұнда құтқарушылар жоқ деп жалған ақпарат таратты.
Арай Төлегенқызы
