АҚШ әуесінде ұшқан шар барлаушы болуы мүмкін

АҚШ аспанында екі күннен бері қалықтап ұшқан шарды америкалық шенеуніктер Қытайға тиесілі барлаушы аппарат болуы мүмкін деп мәлімдеді. Оны жойғыш ұшақтардың көмегімен атып құлатуға әскерилер қарсы шыққан. Себебі сынықтар қауіпті болуы ықтимал. Бірнеше сағат қалықтаған шарды куәгерлердің бірі бейнежазбаға түсіріп алған. Қытай бұған қатысты мәлімдеме жасады.

 Мао Нин, Қытай сыртқы істер министрлігінің ресми өкілі:

Қытай әрқашан халықаралық заңдарды қатаң сақтайтын ел және оның ешбір егемен елдің аумағы мен әуе кеңістігін бұзуға ниеті жоқ. Осы шар мәселесіне қатысты жағдайды тексеріп, анықтап жатырмыз. Мұны екі тарап сабырлы түрде сақтықпен шеше алады деп үміттенеміз.

 Арай Төлегенқызы