Талдықорғанда бидайдың генетикасы зерттеліп жатыр

Талдықорғанда молекулалық генетика және геномика зертханасы ашылды.

Ғылыми орталықта Орта Азиялық бидай генетикасы мен геномикасы бойынша халықаралық ғылыми семинар ұйымдастырылып, бес мемлекеттен келген ғалымдар бидайды ғылыми тұрғыда селекциялаудың тиімді әдістері бойынша тәжірибе алмасты.

Семинарда генетикалық картаны құру, био-информатикалық және геномдық ресурстарды таныстыру сияқты бірқатар маңызды тақыраптар қамтылды. Қазіргі таңда зертханада қазақ бидайының бейімделуі мен өнімділігінің генетикалық бақылауы бойынша зерттеу жұмыстары жүргізіліп жатыр.

Кристобал Уаиу, Д.Иннес орталығының профессоры:

Біздің алдымызда негізгі екі мәселе бар. Біріншіден, жаңа сорттарды шығару қажет. Немесе қолда бар сорттардың генетикалық жағдайын жақсартуымыз керек. Екіншіден, жақсарған сорттарды шаруаларға жеткізуіміз қажет. 

Қуаныш Қанатұлы