Жаңалықтарды Telegram арнамыздан оқыңыз!Гаитиде шеруге шыққан полицейлер көшені жапты. Олар өз әріптестерінің қазасына осылайша наразылық білдірді.
Бұл елде офицерлер қылмыстық топтардың қолынан ажал құшуы жиі кездеседі. Мұндай озбырлыққа қарсы шара қабылдамағаны үшін шерушілер ел үкіметін сынға алды. Азаматтық киім киген сақшылар алдымен премьер-министрдің резиденциясына барған. Кейіннен Аргентинадан оралған үкімет басшысына наразылық білдіру үшін әуежайға бет алды.
Жыл басынан бері елде 15 полиция қызметкері қылмыстық топтардың құрбаны болған. БҰҰ мұндай заңсыз топтармен күресу үшін Гаитиге шетелдік соққы беруші күштерді жіберу мәселесін талқылап жатыр.
Арай Төлегенқызы
