Перудегі шеруде 200-ден аса адам тұтқындалды

Перу полициясы ел астанасындағы университеттердің бірінен 200-ден аса адамды тұтқындады.

Тәртіп сақшыларының сөзінше, беттерін тұмшалаған адамдар ғимаратқа баса-көктеп кіріп, қауіпсіздік қызметкерлерінің құрал-жабдықтарын тартып алған. Тәртіп бұзушыларды шығару үшін полиция кампустың қақпасын танкпен құлатуға мәжбүр болды. Елде билікке қарсы шеру желтоқсанның басынан бері жалғасып жатыр.

Қауіпсіздік күштері мен демонстранттардың қақтығысуынан осы кезге дейін 46 адам қаза тапқан.

Арай Төлегенқызы