Универсиада чемпионы: Бұл жеті жылдың жемісі

Қазақстан хоккейшілері жартылай финалда Канадамен ойнайды. Топтық кезеңде ел құрамасы Оңтүстік Корея, Венгрия, Ұлыбритания мен Словакияны жеңіп, АҚШ құрамасына 1:4 есебімен есе жіберді. Сондай-ақ, Универсиада ойындарында қазақстандық биатлоншы Бекентай Тұрлыбеков 10 шақырымға спринт жарысында алтын алса, тағы бір биатлоншы Александр Мухин бір қола жүлдегер атанды.

Осылайша, доданың сегізінші жарыс күнінен кейін Қазақстан құрамасы медальдар кестесінде алтыншы орынға тұрақтады. Әзірге ел құрамасы қоржынында 3 алтын, 1 қола медаль бар.

Бекентай Тұрлыбеков, ХХХ Қысқы Универсиада ойындарының жеңімпазы:

Құттықтауларыңыз үшін алғысымды білдіремін. Универиада ойындарында алтын медаль жеңіп алғаныма өте қуаныштымын. Осы сәтті пайдалана отырып, туыстарыма, жаттықтырушым мен қолдаушыларыма рақмет айтамын. Биатлон спортына келгеніме 7 жыл болды. Сіздерді қуанту үшін тағы да жүлде аламын деген ойдамын. 

Ламбиан Топузидис