Жаңалықтарды Telegram арнамыздан оқыңыз!
Непалда ұшақ апатынан қаза тапқандардың арасында соңғы кездері Қазақстанда тұрып келген Ресей азаматы Елена Бандуро болған.
Марқұм саяхатшы-блогер әрі СММ-маман болған. Трагедиядан бұрын ол туыстарына өзінің жүкті екенін айтқан. Ал Непалға күйеуіне бара жатқан.
Апат орнында іздеу жұмыстары жалғасып жатыр. 70 адамның мәйіті табылды. Ауа-райының қолайсыздығына байланысты қалған екі адамның денесін іздеу кейінге қалдырылған. Әуе кемесі бортында барлығы 72 адам болған. Олардың төртеуі – экипаж мүшесі.
Ел астанасы Катмандудан Покхара қаласына бағыт алған жолаушылар лайнері жексенбіде апатқа ұшырады. Ұшақ халықаралық әуежайға қонарда құлаған. Оның қара жәшіктері табылды. Апаттың себебі анықталып жатыр.
