Қарағанды облысында 5-қабатқа атпен кірген азамат әкімшілік жауапкершілікке тартылды

Қарағанды облысында 5-қабатқа атпен кіріп кеткен азамат әкімшілік жауапкершілікке тартылды.

Ақтоғай ауданына қарасты Шашубай кентінің тұрғыны үйлердің бірінің подъезінде атпен жүрген. Сол сәт түсірілген бейнежазба әлеуметтік желіде тарады.

Полиция іздестіру барысында ол Шашубай кентінің 51 жастағы тұрғыны екенін анықтады. Оған әкімшілік-құқық бұзушылық кодексінің 434-бабына сәйкес хаттама толтырылып, іс сотқа жолданды. Енді бұзақылығы үшін 5 айлық есептік көрсеткіш көлемінде айыппұл төлейді немесе 10 тәулікке қамауға алынады.

Руслан Нұрланұлы