Украинада Соледар қаласы үшін ұрыс жалғасып жатыр

Украинада Соледар қаласы үшін ұрыс жалғасып жатыр. Мемлекеттің басшысы Владимир Зеленский осылай деп мәлімдеді. Осы арқылы Украина президенті Ресей әскері Соледарды толық басып алды деген ақпаратты жоққа шығарып отыр. Айта кетейік, екі күн бұрын Ресей Қорғаныс министрлігі мен «Вагнер» тобы қала толықтай босатылды деп мәлімдеген еді.

Владимир Зеленский, Украина президенті:

Донецк облысында ауыр шайқас жалғасып жатыр. Бахмут, Соледар мен Кремнина, елдің шығысындағы басқа да қалалар мен ауылдар үшін ұрыс жүріп жатыр. Дұшпан күштерінің басым бөлігін осы бағытта шоғырландырғанына қарамастан, Украина қарулы күштері, қорғаныс және қауіпсіздік күштері мемлекетті қорғауда.

Арай Төлегенқызы