Ресей күштері Соледардың көп бөлігін басып алды

Ресей күштері Соледардың көп бөлігін, тіпті барлығын дерлік бақылауға алған. Американың соғысты зерттеу институты осылай деп мәлімдеді.

Бұл ақпаратқа сай, Украина әскері қаланың батысынан ығыстырылған. Институт сарапшылары Соледарды басып алу арқылы Ресей армиясы Бахмутты қоршап алады дегенді білдірмейді. Себебі осы қала үшін ұрыста олардың жауынгерлік күші сарқылған.

Бұған дейін Ресей дереккөздерінде ел армиясы қаланы басып алып, тазартуға кірісті деген ақпарат тарады. Алайда кеше Пентагон мен Киев бұл ақпаратты жоққа шығарған еді.

Арай Төлегенқызы