Ақмола облысындағы шахтада шетел азаматы көз жұмды

Ақмола облысындағы Бестөбе кенішіндегі шахтадан Өзбекстан азаматының денесі табылды. Алтын кен орнындағы жұмыстар тоқтаған. Алайда шахтаға заңсыз түсетін алтын іздеушілер азаяр емес.

40 жастағы ер адамның мүрдесін басқа заңсыз алтын іздеушілер көріп, жоғарыға шығарған. Олардың сөзінше, мерт болған адам шахтада 18 күн болған. Ал өздері 2 апта бұрын түскен. Қазіргі уақытта сараптама тағайындалды.

Қылмыстық іс қозғалып, тергеу жүріп жатыр. Кенішті пайдаланушы компания өкілдері шахтаға заңсыз түсу қауіпті екенін ескертеді.

Ермек Елберген