Жаңалықтарды Telegram арнамыздан оқыңыз!Талдықорғанда жылу қазандығы жарылып, қаланың бір бөлігі уақытша жылусыз және ыстық сусыз қалды. Абырой болғанда ешкім зардап шеккен жоқ.
Газбен жылытылатын пешке 70 көпқабатты тұрғын үй, 100-ден астам жер үй, 90-ға жуық әлеуметтік және бизнес нысандар қосылған. Қазіргі таңда тұрғындарға резервті қазандықтан жылу және ыстық су беріле бастады.
Ал апаттың себеп-салдары мен шығын көлемін арнайы комиссия анықтайды.
Әсет Масабаев, қала әкімі:
Осы аптада келе жатқан аяз бар. Халықтың елеңдеуін түсінуге болады. Бұл жерде айта кететіні жылу толық қалпына келеді. Қазірдің өзінде жылу желілерінің бойындағы жылу нормаға жақын деңгейде ұстап тұрмыз қазір.
Қуаныш Қанатұлы
