Жаңалықтарды Telegram арнамыздан оқыңыз!«Miras» республикалық қоғамдық кеңесінің биылғы бірінші көшпелі отырысы Түркістан қаласында өтті. Онда партияның сайлауалды бағдарламасында көрініс тапқан бастамалардың Түркістан облысында жүзеге асырылуы, сондай-ақ түркі халықтарының мәдени-рухани ықпалдастығы мәселелері қаралды.
Жиынға өңірлік кеңестің мүшелері, зиялы қауым, мәдениет, ғылым саласының өкілдері, этномәдени бірлестіктердің төрағалары қатысты. Сонымен қатар Өзбекстаннан шақырылған қонақтар болды.
Кеңес мүшесі Жанар Темірбекова түркі халықтарының рухани-мәдени ықпалдастығын арттыруға бағытталған жобалар туралы баяндады.
Жанар Темірбекова, Қ.А.Ясауи атындағы халықаралық қазақ-түрік университетінің ректоры:
Қожа-Ахмет Яссауи бабамыз кім? Неше ғасыр бұрын өмір сүрді? Неге оның рухани мұрасы күні бүгінге дейін соншалықты өзекті? Рухани мирасқа ұйытқы болған құндылықтарды білсек, бір-бірімізге деген ынтымақтастығымыз, ықыласымыз артады деген сөз. Біздің миссиямыз – түркітілдес халықтардың ынтымақтастығын арттыру.
Серік Селеубай
