Жаңалықтарды Telegram арнамыздан оқыңыз!Парламент Сенатының депутаты Серікбай Тұрымов пен Сүйіндік Алдашов Маңғыстау облысында салынып жатқан әлеуметтік нысандардың құрылысымен танысты. Қызылтөбе ауылында кезінде жер астымен жүргізілген газ құбыры қазір қайтадан жер үстімен тартылып жатыр.
Бұл үшін республикалық бюджеттен 740 млн теңге бөлінген. Құрылыс жұмыстары наурыз айында аяқталады деп жоспарланған. Сондай-ақ осы ауылда 1200 орындық мектептің құрылысы басталған. Білім беру ұйымы келер жылы пайдалануға берілуі тиіс.
Серікбай Тұрымов, ҚР Парламенті Сенатының депутаты:
Мемлекет басшысының тапсырамасына сай «Жайлы мектеп» жобасы бойынша Маңғыстау облысында бірнеше мектептердің құрлысы салынуы керек. Мұнайлы ауданында 2 мектеп осы жоба бойынша салынуы керек. Қазір салынып жатқан мектептің республикалық бюджеттен 1 миллиардқа жуық теңге бөлінді. Қалғаны осы басталып жатқан жылдың бюджетінен қаралған.
Ардақ Мұратқызы
