Ұлытауда газ баллоны жарылып, 20 адам зардап шекті

Ұлытауда жер үйде газ баллоны жарылып, 20 адам зардап шекті.

Облыстық Төтенше жағдайлар департаментінің мәліметінше, оқиға Жаңаарқа ауылында болған. Үй иесі жаназа рәсіміне дайындалып жатқан. Газ баллоны бөлек тұрған моншада жарылып, от бірден өшірілген. Ғимараттың 100 шаршы метр шатыры қирады.

Алдын ала мәлімет бойынша, қауіпсіздік талаптары қатаң бұзылған. Үйдегілер баллонды аяздан алып келіп, пештің жанына қойған. Дәрігерлер 20 адамды қарап, 19-ын үйіне қайтарды. Орташа дәрежеде күйік шалған 1 адам ауруханаға жатқызылды. Бүгін оны Қарағандыға жеткізу жоспарланып отыр.

Дарын Сағитов