Теміртау қаласында 90 отбасы баспаналы болды

Жаңа жыл қарсаңында Теміртау қаласында 90 отбасы баспаналы болды. Олардың барлығы ұзақ жыл үй кезегін күткен мұқтаж жандар. Бес қабатты үй мемлекеттік «Нұрлы жер» бағдарламасы бойынша салынған.

Жалпы жыл басынан бері Теміртауда 200-ден астам жанұя қоныс тойын атап өтті. Келесі жылы тағы 300 жаңа пәтер беру жоспарда. Дегенмен үй кезегінде әлі 2700 адам тұр.

Эльмира Сұлтанбекова, Теміртау қаласының тұрғыны:

Менің мүгедек балам бар, жалғызбасты анамын. Бұған дейін туған-туыстың үйін жағалап келдік. Енді өз баспанамыз бар. Қуанышымда шек жоқ. Бәрі ұнайды. Үй орталықта, мектеп, дүкен, аялдама жақын орналасқан.

Руслан Нұрланұлы