Атырауда табиғатқа зиян келтіргендер 287 млн теңге айыппұл арқалады

Атырау облысында табиғатқа зиян келтіргендер 287 млн теңге айыппұл арқалады. Экология департаменті басшысының мәліметіне сай, қоршаған орта тазалығын сақтау мақсатында 106 бақылау жүргізілген. Оның жартысы жоспардан тыс тексеру.

Нәтижесінде экологиялық заңнаманы бұзу дерегімен 265 әкімшілік іс қозғалды. 36 факт сотқа жолданған. Мамандар талапқа бағынбай, табиғатқа зиян келтіретіндердің басым бөлігі мұнай өндіруші кәсіпорындар екенін айтады.

Жандос Темірғали