Жаңалықтарды Telegram арнамыздан оқыңыз!Әлеуметтік кодекс жобасы жуырда дайын болады. Құжатта әр азаматты әлеуметтік қолдау тетігі қарастырылған.
Оралға арнайы барған Еңбек және халықты әлеуметтік қорғау вице-министрінің айтуынша, әр отбасы смартфон арқылы өзіне тиесілі жәрдемақы, атаулы көмек, басқа да төлемдер жайлы деректі ала алады.
Биылғы Жолдауда айтылғандай, 2024 жылдан бастап әр балаға шот ашылып, Ұлттық қордан ақша бөлінеді. Бала күтіміне төленетін жәрдемақы 1 жастан 1,5 жасқа ұзартылады.
Сондай-ақ келер жылдан бастап зейнетақы мөлшері кезең-кезеңмен 13%-ға ұлғаяды. Мүгедектігі бар адамдарға берілетін жәрдемақы жүйесі жаңартылады. Атаулы әлеуметтік көмектің төлем жүйесі де өзгереді.
Ербол Оспанов, ҚР Еңбек және халықты әлеуметтік қорғау министрінің орынбасары:
Жыл сайын нотариалды түрде кепілдендірілген әлеуметтік пакет беріп отыратынбыз. Онда да біраз сұрақтар туындады. Сол халықтың ұсынысын ескере отырып, монетизация жасауды жоспарлап отырмыз. 190 мыңнан астам атаулы әлеуметтік көмек алатын жанұядағы балалар 1-6 жасқа дейін, жаңағы қаражатты монеталық түрде алатын болады.
