«Qazaqstan», «Qazsport» арналары Әлем чемпионатынан 367 сағат трансляция жасады

Сонымен жаһан жұрты көз тіккен байрақты бәсеке мәресіне жатты. Ел аумағында төртжылдықтың басты турнирін «Қазақстан» телерадиокорпорациясы трансляциялады.

Бір ай бойы Ұлттық арнадан тікелей эфирде 38 ойын өтсе, «Qazsport» телеарнасынан 56 матч көрсетілді. Қос арна 367 сағат трансляция жасады. Әлем чемпионатын жүргізуге ел бойынша ең тәжірибелі 14 комментатор шақырылды. Сондай-ақ әр ойынның алдында студиялық бағдарламалар эфирге шықты. Көрерменге арналған түрлі байқаулар ұйымдастырылып, сыйлықтар таратылды. Ал тілшіміз Ерсін Ерік бір ай бойы Қатар астанасы Дохадан ақпарат жеткізді.